~*¤®§(*§ انعش صيفك وغير جو مع مجلة الترفيهي في العدد الثالث §*)§®¤*~
<استثمار الفراغ في الأجازة الصيفية>
7
7
7
كلنا يعرف الأجازة الصيفية <-- أنقلع ما تعرف تسوي مقدمات
والفراغ الكبير اللي يحصل في أيامها ,,
والتكرار الروتيني الغبي كل يوم ,,
والنوم على بعضه
اولاً:// النوم اللي علا بعضة
حتى لدرجة ان الواحد قسم بالله ما يعرف أي يوم هو , وإذا به يصدح بالسؤال المعتاد..,
اتصدقون اليوم خميس ؟؟؟
<-- يطل في التقويم عشان يتأكد خخخ ,
وغير كذا النوم صار دبل ومضاعف عن أيام الدراسة
اللي ينام 6 ساعات < >>> صار ينام 12
واللي ينام 8 < >>> صار ينام 16
والبرميل اللي ينام 12 ساعة < >>> صار ينام 24 ساعة <-- خخخ وش بقا من اليوم ؟ ,
ويا شين الواحد لا صار يمشي عكس الطابورXD , الناس تنام ليل وتقوم صباح وهو عكس , ينام صبح ويقوم ليل !!
بالله وش تسوي آخر الليل لحالك ومحد حولك ؟ <-- من يسمعك يقول تقوم الصبح على كاس حليب خخخ
,,,,,,,
, وشي ثاني هو الروتين المتكرر !
لعب , أكل , نوم , لعب , أكل , نوم.... الخ
يخرب بيتك ما تطفش ؟
جب شي جديد بدال ما تنزرع على ذا الروتين , وهذا وجهي اذا
ما الوالدة الله يحفظها كل يوم تحط عشاك في حافظة عشان لا قمت آخر الليل تاكله
<-- وجه واحد رافع لوحة مكتوب عليها +1 خخخ
وطبعا لا تفهمني عقول الجحوش باللعب يعني لعب رياضي ومفيد ! أيه هين
أقصد انترنت , أكس بوكس , بلاي ستيشن3 ...ووإلخ
<-- خليكم في بلاي ستيشن3 تراه أطلق خخخ ,.,
الواحد من كثر هالــ روتين كبر محيط كرشه عن اللازم وصار يحط اللابتوب على الكرش واذا جا يقوم تشوفونه يحط يدينه على بعض
ويرفع مؤخرته فوق وبعدها الراس ثمن الكرش خخ لا تضحك أنت وياه رح الميزان وشيك الوزن وأضحك على نفسك بعدها ,
وممكن بالمقابل .. تلاقي وزنك ناااقص من قلة الاكل ..لانك ادمنت ع العب والنت ومافيك حيل تاكل
,,,,,,,
ورابعا مدري خامسا وأخيرا وأهم نقطة للمهتمين بدينهم وهي
ضياع اوقات الصلاة ,,
الواحد يسحب سيفون اليوم على الصلاة وداقها سابع نومه واذا قام
ظهر , عصر , مغرب , عشاء , مرة وحدة جمعها وتوضا وصل بسرعة ورح كمل عشاك وبعدها شفلك اقرب جهاز تلعب فيه , وهذا أكبر سبب سلبي للنوم للي يمشي عكس التيار
<-- وجه واحد ملتحي ماسك خيزرانه
أولا: استثمار الوقت:://
1-النوم : رتب نومك وعدله وامش مع الناس وأمورك كلها بتصير تمام وهذا أول سبب رئيسي لاستهلاك الوقت والفراغ
2-تخصيص جدول : جب أي دفتر وأقطع منه ورقه وجب قلم ومسطرة واكتب جدول أسبوعي مرتب , حيث كل يوم جدول معين للتنويع وترك الروتين الممل
, بس مب بعد يومين ترمي الورقة في الدرج خخخ
3-العزيمة: مثل ما قلت تكتب جدول وبعد مدة قصيرة تسحب عليه وترجع للروتين المعتاد وتنبطح على كرشك وتلعب الكترونيا , مثل ما نقول بالعامي " خلك صامل " خخخ
ثانيا: كيف نستثمر اوقتنااااا:://
1-رياضيا: بدال ما تستنفذ أفضل الأوقات للألعاب الرياضية في الالكترونيات شف لك أقرب ملعب وجمع فيه الشباب والسلام عليكم , طبعا بعض المناطق يكون فيها الرطوبة
أو الحر الشديد ما تحمس الواحد يحرك عضلاته في الجو , لا تتعذر أنت وياه الصالات الداخلية ما تقصر , احجز لك واحد أنت والشباب كل يومين أو ثلاثة أو حتى أسبوعيا
2-النوادي الصيفية: كل صيف تخصص الدولة نوادي صيفية على حسابها أو حتى مجموعة من الأفراد بنوادي شهريا تدفع رسم معين ! لكن الأكيد أنهم يخصصون جداول يومية
مفيدة سواء للعقل أو الجسم , وطبعا النوادي لا تحصر فقط على الشباب
هناك نوادي مخصصة للفتيات وتعطيهم على قد ما يحتاجون
3-التجمعات : العائلية هي أفضل التجمعات فلا تفوتها , على الغداء وبعده أكيد بتكون جلسات سوالف والعشاء وبعده أكيد كذلك أو حتى في فترة العصر أو قبل
آخر الليل استغل هالتجمعات ومارس جدولك في فترة أخرى , و أيضا التجمعات الشبابية والطلعات خصص جدول أنت وأخوياك وأطلعوا وين ما تبغون , أو حتى خواتنا العضوات
نفس الشيء خصصوا جدول لرفيقاتكم للتجمع في مكان معين>> الكل مدعو
4-الالكترونيات: اضمن لكم كل سحلية وتسماح ينتظرون هالفقرة خخخ , طبعا الواحد ما يجلس من 4 ساعات وفوق على اللابتوب أو أي جهاز ثاني , خصص ساعتين أو 4 ساعات بالكثير
يوميا تستفيد من وقتك فيه , بس أنتبه لا ترجع لحالة الإدمان بعدها خخ
ثالثا: ايجابيات استثمار الوقت:://
1-زرع حب التنافس والعلم: يوم أنك تكثر اللعب الرياضي أو تدخل نوادي صيفية فيها ألعاب تنافسية فهذا يدخل فيك حب التنافس والعلم وأنت ما تدري
2-الثقة: تقدر تقول هذا ينطوي تحت حب التنافس والعلم , بديهيا الواحد لما يحب يتنافس فهذا دليل كبير على ثقته بنفسه
3-اعتياد الترتيب : لما ترتيب جدولك وترتب يومك وأسبوعك شوي شوي وتصير تحب الترتيب وتعتاد عليه ولما يتلخبط يومك تجيك حالة من الصداع و الهستيريا وبالعامي الفوضى تصير ألد أعداءك
رابعا: سلبيات عدم استثمار الوقت:://
1-مفسدة للشباب: مثل ما قيل " إن الشباب والفراغ والجدة ** مفسدة للمرء وأي مفسدة "
بالفعل لما الواحد يكون وقته فاضي تشوفه وهو ما يدري يروح للمفاسد على طول
عاد في هالجيل الخربان تشوفه يركض وما عليه من أحد خخخ
2-الفوضى : يعتاد الواحد على لخبطة يومه والفوضى في حياته وفجأة يعتاد عليها
وعاد شف غرفتهم لا تعود عليها ! الله لا يوريك , بطاطس دوريتوز بحبات منثرة على الكرسي وقوطي بيبسي نصه طايح على الفرشة وغير الأغراض والملابس منا ومناك خخخ
3-ضعف العزيمة: شوي وشوي راح تزهق وتملل من كل شيء وعداد الصمالة بيصير عندك صفر وتصير كله منبطح مع خشتك ما ودك تسوي شي,,
خامسا: أقوالهم في الفراغ:://
اقتباس:
والوقت أنفس ما عنيت بحفظهوأراه أسهل ما عليك يضيع
اقتباس:
دقات قلب المرء قائلة لهإن الحياة دقائق وثوان
اقتباس:
وحصل الأوقات، واعرف مايذهب به ليلك ونهارك
اقتباس:
لقد هاج الفراغ علىَّ شغلاً *** وأسبابُ البلاء من الفراغ
وخير كلام قول نبينا صلى الله عليه وسلم
اقتباس:
"نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ "
والله يا زين أول كل واحد ينتبه لدينه ويستفيد من وقته مب مثل ألحين , مثل ما يقول جدك أنت وياه عيال الحين عيال النيدو خخخ وهم صادقين الواحد ماغير يتبطح ويومه
راح على لابتوب وألكترونيات والواحد مافيه حيل يتحرك
نرجو انكم استفتدو من الموضوع ,, وانو اثر فيكم ..وراح ترتبون نفسكم من الحين خخخ
المزاج